Aha mu gakiriro ka Gisozi hamaze kwibasirwa n'inkongi y'umuriro inshuro zirenga 5 mu myaka itandukanye. Aha mu gakiriro ka Gisozi hamaze kwibasirwa n'inkongi y'umuriro inshuro zirenga 5 mu myaka
google.com, pub-8424431947926653, DIRECT, f08c47fec0942fa0
Kuva saa munani z'igicuku cyo kuri kuri uyu wa Gatanu tariki 30 Gicurasi 2025, igice cy'Agakiriro ka Gisozi gikorerwamo intebe, ameza n'ibitanga cy'ahitwa muri ADARWA cyafashwe n'inkongi y'umuriro, aho Polisi ikomeje kuzimya kugeza muri iki gitondo.
Aha mu gakiriro ka Gisozi hamaze kwibasirwa n'inkongi y'umuriro inshuro zirenga 5 mu myaka itandukanye.
Tariki 3 Kamena 2019 inkongi yafashe igice cy’Agakiriro ka Gisozi, ahacururizwaga imbaho n’ibikoresho byo mu nzu, harimo matela, imbaho zo mu bwoko bwa Ribuyu, amasanduku yo gushyinguramo, amatelefoni, amaradiyo, n’ibindi.
Tariki 29 Kamena 2019 Hashize iminsi 26 gusa, indi nkongi yongeye kwibasira Agakiriro ka Gisozi, yibasira igice cyari haruguru y’umuturirwa witwa UMUKINDO, aho hasigaye agace gato ugereranyije n’ahari hamaze gushya.
Tariki 17 Kanama 2021 Inkongi y’umuriro yongeye kwibasira Agakiriro ka Gisozi, ahakorerwa ibikoresho bitandukanye byo mu nzu, ububiko bw’imbaho, hakaba harahiye na za matora(imifariso).
Tariki 12 Gashyantare 2023 Inkongi y’umuriro yongeye kwibasira Agakiriro ka Gisozi, ahabikwamo imbaho. Iyi nkongi yabaye ahagana saa tanu z’ijoro, abantu bamaze gutaha.
Tariki 23 Gicurasi 2023 Inkongi y’umuriro na none yibasiye igice cy'Agakiriro ka Gisozi ahakorerwa hakanacururizwa ibikoresho bitandukanye byo mu nzi birimo intebe, ameza, ibitanda n'ibindi.
Source: Kigali Today
