Gen. Mubarak Muganga yitabiriye inama idasanzwe y ' Abagaba b' ingabo SADC na EAC iHarare , Zimbabwe
Umugaba Mukuru w’Ingabo z'u Rwanda, Gen Mubarakh Muganga, yitabiriye inama ihuriweho y’abagaba bakuru b'Ingabo bo mu muryango wa EAC na SADC, yiga ku bibazo by'umutekano mu Burasirazuba bwa Repubulika Iharanira Demokarasi ya Congo.
Gen Mubarakh yari aherekejwe n'Umuyobozi w'umutwe w’Ingabo zidasanzwe n'urwego rw'ubutasi bwa gisirikare.
Iyi nama yateranye kuri iki cyumweru mu Ngoro y’Inteko Ishinga Amategeko, i Harare muri Zimbabwe yasuzumye ahanini gahunda y’inama ihuriweho y’abaminisitiri bo muri EAC na SADC iteganijwe kuri uyu wa Mbere tariki 17 Werurwe 25.
Mu bindi baganiriye harimo raporo y’inama iheruka yahuje abagaba bakuru b'Ingabo bo muri iyi miryango yombi yasabaga ko impande zihanganye mu Burasirazuba bwa DRC zihagarika imirwano.
