Iri gare mbere yo kuva mu ruganda, Remco Evenepoel, umubiligi wihuta ku igare ari wenyine kurusha abandi ku Isi yagiyeyo bamukorera irye nyuma yo kumupima buri kimwe no guhuza n'ibyifuzo bye. Ni Spec
Iri gare mbere yo kuva mu ruganda, Remco Evenepoel, umubiligi wihuta ku igare ari wenyine kurusha abandi ku Isi yagiyeyo bamukorera irye nyuma yo kumupima buri kimwe no guhuza n'ibyifuzo bye.
Ni Specialized S-Works Shiv TT 2025 ( s-works shiv tt 2025) iri gare riri mu magare ahenze ku Isi riri i Kigali, sinkurangiye ngo ujye kuryiba oya, kuko ntacyo warimaza pe.
Ku Cyumweru, ya Camera iri mu muhanda umanuka kuri Nyabarongo ya Km 80/h izamufotora, hasoke contrevation ya over speed azaba afite Km 100 ku isaha, Kacyiru kwa IGP bazayishyire muri archive tujye tuyisura nk'urwibutso.
S-works shiv tt 2025 barihindurira amapine, ajya gukina Tour de France 2025 yari mu ibara rya zahabu kuko yaherukaga kuhatwarira zahabu, i Kigali nziko rizaba ari umukorombya; rifite agaciro k'ibihumbi 30 $ (Miliyoni 43 FRW).
Ikirihendesha rero ni uko rimupimyeho (customized) nk'imitambiko n'ibindi, iringi yaryo rikoze muri Roval Rapide CLX Sprint naho ipine ni Specialized Turbo Cotton TLR & Princeton Carbon Works (ntirijyamo umwuka) , byongera agaciro karyo kurusha andi yo mu bwoko bumwe ho 14,000 $.
Remco yegukanye ITT ya shampiyona y'Isi yo gusiganwa ku magare mu Bwongereza mu 2023 maze Filipo Gana arikanga, uyu niwe waruyoboje Isi igitugu, Remco yamusize 12sec.
Gana yasubiye iwabo yubitswe umutwe n'intego yo gusubirana ikamba.
Mu Busuwisi 2024, Isi ihanze amaso Gana, Remco yaramusubiriye noneho amusiga ibyijana 6 by'isoganda.
Gana yamanitse amaboko yemera ko hejuru y'isasu mu kwihuta hari urumuri, kuko uyu yari akuyeho agahigo ke ko gutwara shampiyona z'Isi 2 zikurirana 2020 na 2021.
Remco azanywe i Kigali n'impamvu 3:
1. Gutsinda Tadej Pogacar, akamana k'igare ubugira kabiri mu mwaka umwe
2. Kujya mu ikipe nshya ya Bora agifite ikamba ry'Isi kugira ngo ba Roglic bamwunamire
3. Gukuraho agahigo k'umudage Tony Martin
Uyu mudage wakiniye Team Katusha afite umuhigo ahanganiyeho n'Umusuwisi Fabian Cancellara (aba nzababwira ibyabo) kuba baratwaye inshuro 4 ITT ya shampiyona y'Isi, gusa Martin niwe wayitwaye 3 yikurikiranya gusa kuva mu 1994.
Tony yayitwaye 2011, 2012 na 2013 umuhigo Remco aje gushakira i Kigali.
Remco afite intsinzi 31 za Time Trial kuva atangiye gukina mu 2017 iya nyuma aheruka yavugishije benshi ni iyo muri Tour de France asiga Pogacar amasegonda 16 amabere yikora atonsa.
Remco Evenepoel, imana y'urumuri rw'igare
#IgareNiUrukundo
#IgareNiUbuzima
#MrVeloKigali2025
#UCIKigali2025
#Kigali2025
