Perezida Donald Trump yatangaje ko Israel na Iran byemeranyije gushyiraho amasezerano y'agahenge k'amasaha 24. Perezida Donald Trump wa Leta Zunze Ubumwe za Amerika avuga ko aya masezerano y'agahenge
Perezida Donald Trump yatangaje ko Israel na Iran byemeranyije gushyiraho amasezerano y'agahenge k'amasaha 24.
Perezida Donald Trump wa Leta Zunze Ubumwe za Amerika avuga ko aya masezerano y'agahenge arashyira iherezo ku ntambara ya Iran na Israel imaze iminsi 12.
Kugeza ubu Iran na Israel ntacyo ibi bihugu biratangaza kuri aka gahenge gatangajwe na Donald Trump.
Ni ubutumwa Perezida Donald Trump atangaje nyuma y'amasaha make Iran igerageje kurasa ku birindiro by'ingabo za Amerika birimo muri Qatar na Iraq.
Ni igitero Iran yakoze ku mugoroba wa tariki 23 Kamena nyuma y'uko ku cyumweru tariki 22 Kamena Amerika yari yarashe ku bigo bya Iran bivugwa ko bitunganyirizwamo ibisasu bya kirimbuzi.
Hagati aho Qatar yatangaje ko yaburijemo misile zose Iran yari igabye ku birindiro bya Leta Zunze Ubumwe za Amerika.
#bienvenudo.com
