Urukiko rwategetse Louis Rubiales kutegera Jennifer Hermoso mu ntera 200 m
Urukiko rw’igihugu rwakatiye Luis Rubiales ku cyaha cyo gusagarira Jennifer Hermoso, ariko rumugira umwere ku cyaha cyo kumuhatira icyo gikorwa.
Rubiales yahanishijwe amande ya €10,800 nk’uwahoze ari perezida wa federasiyo y’umupira w’amaguru (nubwo ubushinjacyaha bwari bwasabye igifungo cy’imyaka ibiri n’igice).
Urukiko rwategetse ko Rubiales atagomba kwegera Hermoso mu ntera ya metero 200 cyangwa kumuvugisha mu gihe cy’umwaka.
Umucamanza Fernández-Prieto yavuze ko byemejwe ko ku itariki ya 20 Kanama 2023, muri Sydney, Rubiales yafashe umutwe wa Jennifer Hermoso n’amaboko yombi, akamusoma ku munwa atabimusabye cyangwa ngo abyemere.
Umucamanza yashimangiye ko iki ari igikorwa cy’ihohotera rishingiye ku gitsina, avuga ko gusoma umugore ku munwa bifite igisobanuro cy’imibonano mpuzabitsina kandi atari uburyo busanzwe bwo kuramutsa umuntu mudafitanye umubano wihariye.
